Scho wieder het de Chasperli mit em Seppli äs spannends Abetüür erläbt. Mit em Stuck „Die verzauberet Prinzessin“ het es Chasperli Team eimol meh en huufe
Chlini und grossi Lüt is Chilegmandhuus chöne locke.
Dasmol hend de Chasperli und de Seppli s Prinzässli müse vor dä böse Häx befreie wo s Prinzässli frächerwiis inen Gwaag verzauberert hät. Aber Dank de Hilf vo
de vilnä Chinde hends es schnell befreit und im Schloss en prächtige Geburtstag chöne mit em Prinzässli fiirä. Ende gut alles gut und guet sind au die feine selberbachne Chüächä und es
Popkorn gsi wos i de Pause geh het. Danke allne wo de Chasperli und sini Fründe sind cho luege und understütze!
